Ti saludo cun’affettu Mamujada,
de sa sarda cultura se’sobrana,
tenes zente traballadores e ducada,
dae tempos remoto’ses’antiga,
nde se’sinzera, ospital’e amiga,
fizzos tuos non time’ sa fatiga.
In cada festa ti ses presentada,
narende a tottus de s’istoria andada,
cun s’issogadore sorrident’in cara,
cun guritu e soca bessiad’a crara,
ch’in ballos e tenores in sa carrera
e mamuthones cun sa sonazzera.
Rispetende su ritu galanu,
s’issogadore arzaiat sa manu,
guidaiat dae tempus lontanu,
non bestiat’in cara sa bisera,
divertinde sa zente furistera,
goi s’amenta sa zente terrena.
Si pirmittis pregare giai ti poto,
sa raighina nostra no la tocco,
Mamujada si faghes’a manera,
s’issogadore chi si mogat sa bisera,
dae semper nd’este in sa memoria.
De Sardinna ses Mamujada su candore,
torra’nde a su connottu s’issogadore,
fullia sa bisera ca no est’ereu,
pedo rispettu de s’appellu meu,
dimando iscusa de su chi cant’a bois,
ca orvidados non nde semus nois.